မြန်မာအစိုးရ ပြုပြင်ပြောင်းလဲရေး ဒေါ်အောင်ဆန်းစုကြည် ဝေဖန်
သမ္မတ ဦးသိန်းစိန် အစိုးရရဲ့ပြုပြင်ပြောင်းလဲရေး ကြိုးပမ်းမှုတွေမှာ တိကျတဲ့ ပြုပြင်ပြောင်းလဲရေး မူဝါဒချ မှတ်ပြီး
အကောင်အထည်ဖေါ်နေတာ မတွေ့ရသေးကြောင်း အမျိုးသား ဒီမိုကရေ စီအဖွဲ့ချုပ် ဥက္ကဌ
ဒေါ်အောင် ဆန်းစုကြည်က မနေ့က ဝေဖန်ပြောဆိုလိုက်ပါတယ်။
မနေ့က ဂျပန်နိုင်ငံ တိုကျိုမြို့
သတင်းထောက်များကလပ်မှာ ကျင်းပတဲ့ သတင်းစာရှင်းလင်းပွဲမှာ သတင်းထောက် တစ်ဦးက
လွန်ခဲ့တဲ့ ၂ နှစ်အတွင်း ပြောင်းလဲမှုတွေ မြန်ဆန်လွန်းတာကို ဘယ်
လိုသုံးသပ် ပါသလဲ၊ သမ္မတ ဦးသိန်းစိန်အပေါ် ဘယ်လိုမြင်ပါသလဲလို့
သတင်းထောက်တစ်ဦးက မေးမြန်း ရာ မှာ ဒေါ်အောင်ဆန်းစုကြည်က
ပြန်လည်ဖြေကြားခဲ့တာပါ။
ဒေါ်အောင်ဆန်းစုကြည်က “မိမိအနေနဲ့
နိုင်ငံရေးသမားတွေကို လူပုဂ္ဂိုလ်တစ်ဦးခြင်းအနေနဲ့ အကဲမဖြတ် ပါဘူး၊
လက်တွေ့လုပ်ဆောင်မှုတွေနဲ့သာ အကဲဖြတ်ပါတယ်။ သမ္မတ ဦးသိန်းစိန် အစိုး ရ ရဲ့
ပြုပြင်ပြောင်း လဲမှု လုပ်ငန်းစဉ်တွေမှာ အားအနည်းဆုံးအချက်ဟာ
တိကျတဲ့မူဝါဒချမှတ်ပြီး
အကောင်အထည်ဖေါ်နေ တာမျိုး မရှိခြင်းပါပဲ၊ လတ်တလော
မြင်နေ ရတာက ပြုပြင်ပြောင်း လဲရေးမှာ အဆင့်လိုက်သတ်မှတ်ပြီး အကောင်အထည်
ဖေါ်နေတာမျိုးမရှိသလို၊ တိုင်းပြည်ရဲ့ လိုအပ်ချက်တွေကို အခြေခံပြီး
ချမှတ်ရေးဆွဲ အကောင်အထည်ဖေါ်နေတာမျိုး မတွေ့ရ ပါဘူး” လို့ ပြောလိုက်ပါတယ်။
ဒါ့အပြင် လွှတ်တော်နှစ်ရပ်စလုံးဟာ
သူထင်ထားတာထက် ဒီမိုကရေစီနည်းလမ်းပို ကျကြောင်း ဒေါ်အောင် ဆန်း စုကြည်က
ချီးကျူးပြောဆိုခဲ့ပါတယ်။ မိမိထင်ထားတာထက် ပိုအောင် မြင်အောင်
လုပ်ဆောင်နိုင် တဲ့အတွက် အံ့အားသင့်ရပါတယ်လို့လည်းပြောပါတယ်။
အဲဒီလိုလွှတ်တော်အတွင်း အောင်မြင်မှုတွေနဲ့ ပတ် သက်ပြီး
ကြံ့ခိုင်ဖွံ့ဖြိုးရေးပါတီနဲ့ ပြည် သူ့လွှတ်တော် ဥက္ကဌ သူရဦးရွှေမန်းကို
ကျေးဇူးတင်ကြောင်း အထူး အလေး ထား ပြောခဲ့ပါတယ်။
ရိုဟင်ဂျာတွေ
နိုင်ငံသားဖြစ်ခွင့်ရှိမရှိနဲ့ ပတ်သက်ပြီး မေးမြန်းရာမှာ ၁၉၈၂ ခုနှစ်
တည်ဆဲဥပဒေနဲ့ ကိုက်ညီ တဲ့သူတွေကို နိုင်ငံသားဖြစ်ခွင့်ပေးသင့်ကြောင်းလည်း
ထည့်သွင်းပြောခဲ့ပါတယ်။
photo: AFP
No comments:
Post a Comment